DEG-DEG: Booliska Somaliland Oo La Wareegay Xarumaha Telefiishanno Madax-bannaan
18 Jun 2019
Hargeysa (HCTV) – Ciidamada Booliska ee Somaliland ayaa la wareegay Xarumaha ay Telefiishannada Horyaal Iyo Eryal ku leeyihiin Magaalada Hargeysa ee Caasimadda Somaliland.
Maamulka labada Telefiishan ayaa HCTV u xaqiijiyey in Ciidamada Boolisku la wareegeen Xarumahooda Hargeysa Saaka.
Illaa hadda lama oga ujeeddada rasmiga ah ee Xukuumaddu tallaabadan u qaaday.
Waa markii koowaad ee Xukuumadda cusub ee Madaxweyne Muuse Biixi Hoggaaminayaa la wareegto Xarumaha Telefiishano Madax-bannaan, laakiin waxay sannadkan gudihiisa xayiraad ku soo rogtay Wargeyska Madax-bannaan ee Foore, halka Xukuumaddii horena dhowr Wargeys xayiraad saartay, sida Haatuf iyo kuwo kale.
HCTV kala soco Wixii Warkan ku soo kordha
Horn Cable Tv
Waaxda ONLINE-ka
