Diblomaasi Eritrean Ah Oo Madaxweyne Farmaajo Ka Codsaday In Loo Cusboonaysiiyo Dhalashada Somalia
2 Sept 2019
Narita, (HCTV) – Diblomaasi Dawladda Eritrea u fadhiya dalka Japan, oo lagu magcaabo Ambassador Estifanos, ayaa madaxwaynaha Soomaaliya ka codsaday in loo cusboonaysiiyo dhalashada Soomaaliya oo la siiyay 1983-kii.
Estifanos ayaa sidaasi ku sheegay qoraal uu soo dhigay bartiisa twitter-ka oo u dhignaa sidan:-
“Waxaan madaxweyne Farmaajo maanta ku waydiistay garoonka diyaaradaha Narita Airport TOKYO in uu si naxariisleh iga caawiyo in la ii cusbooneysiiyo dhalashadeyda Soomaaliya oo aan helay 1983-dii. hal dad Eritrea.” Sidaas ayuu danjire Estifanos ku qoray bartiisa twitterka.
Madaxweyne Farmaajo ayaa dalka Japan kaga qaybgalay shirka iskaashiga qaaradda Afrika iyo dalka Japan.
HORN CABLE TV,
WAAXDA ONLINE-KA.
