Somaliland: Golaha Wasiirrada Oo Ansixiyey Xeerar Kala Duwan
21 Nov 2019
Hargeysa (HCTV) – Kalfadhigii 45-aad ee golaha wasiirrada Somaliland ee Maanta oo uu gudoominayey madaxweynaha Somaliland, Mudane Muuse Biixi Cabdi, ayaa maanta lagu ansixiyey xeerar, iyada oo sidoo kale lagu meelmariyey wax-ka-beddel lagu sameeyey qaar ka mid ah xeerarkii hore u jirey.
Dood dheer iyo falanqeyn kaddib, waxa ay golaha wasiirradu fadhigooda ku ansixiyeen:
- Qabyo-qoraalka ka hortagga xeerka la dagaallanka ganacsiga iyo tahriibinta dadka iyo
- Wax ka-beddelka iyo kaabista la dagaallanka xeerka mukhaadaraadka Xeer Lr. 21/2002 oo isagu hore u jirey, waxaanay xeerarkani u gudbi doonaan golaha wakiillada Somaliland, iyagoo wax weyn ka tari doona Mushkiladaha iyo dhibaatooyinka ka yimaadda Tahriibinta dadka iyo la dagaallanka Mukhaadaraadka dalka soo gala.
Sidaana waxa lagu sheegay War-saxaafadeed Madaxtooyada ka soo baxay markii uu dhamaaday Shirkii Golaha Wasiirrada Somaliland ee Maanta, kaasi oo nuqul ka mid ah soo Gaadhay Telefiishanka HCTV.
Horn Cable Tv
Waaxda ONLINE-ka
