Koox U Dhalatay IRAN Oo Weerar ku qaadday Website-ka Dawladda Maraykanka
7 Jan 2020
USA (HCTV) – Koox sheegatay inay u dhasheen IRAN ayaa sheegay inay weerareen Mareegta (Website-ka) Dawladda Maraykanka isla-markaana ay jabsadeen.
Kooxdan oo sheegay in weerarkoodu jawaab u yahay Dilkii Maraykanku u geystay Jeneraal Qaasin Sulaymaani oo ahaa Taliyihii Ciidammada Jamhuuriyadda Islaamiga ah ee IRAN, ayaa Website-ka ku baahiyey Farriin ay uu socdo Sawir muujinaya Madaxweyne Trump oo Afka dhiig ka daadanayo.
Laakiin, weli ma jiraan Caddaymo muujinaya in kooxda Jabsatay Website-ka Dawadda Maraykanku yihiin ama u dhasheen Jamhuuriyadda IRAN.
Weerarkan dhinaca Internet-ka ee lagu qaaday Website-ka dawladda Maraykanka ayaa ku soo beegmaya dhowr Maalmood uun ka dib, markii Dawladda Maraykanku dilay Jeneraal Qaasin Sulaymaani.
Horn Cable Tv
Waaxda ONLINE-ka
