Golaha Ammaanka Oo Ku Baaqay In Deg-deg Loo Joojiyo Dagaalka Armenia & Azerbaijan
1 Oct 2020
Newyork (HCTV) – Golaha Ammaanka ee Qaramada Midoobay ayaa dalalka Armenia iyo Azerbaijan ugu baaqay inay si deg-deg ah u joojiyaan dagaalka ka dhex qarxay oo sababay khasaare baaxadle.
Dagaalka ayaa Armenia iyo Azerbaijan ayaa ka dhacaya Gobolka Nagorno-Karabakh oo ku yaalla Azerbaijan waxaana ku nool dad ka soo jeeda Armenia – waxay doonayaan inay noqdaan Dawlad Madax-bannaan – laakiin weli cidna ma aqoonsan.
Dagaalkan oo socday illaa Axaddii Toddobaadkan ayaa sababay khasaare badan – waxa jira Askar gaadhaysa 2300 oo kuwa Armenia ah oo ku dhintay dagaalka – waxaana labada dhinac iska burburiyee n gaadiid dagaal iyo diyaarado.
15-ka dal ee Golaha ammaanka oo baaqooda ku taageeraya baaq nabadeed oo hore Xoghayaha guud ee Qaramada midoobay ugu jeediyey Armenia iyo Azerbaijan ayaa ku baaqay in si deg-deg ah dagaalka loo joojiyo – dibna loogu noqdo wada-hadallada labada dhinac si ay u midho-dhalaan.
Golaha ammaaka ayaa sheegay inay si adag u cambaaraynayaa in labada dal isku adeegsadaan hub isla-markaana galaaftaan nolosha dadka.
Horn Cable Tv
Waaxda ONLINE-KA
